【沖涼】

「老老實實，究竟動物點解要沖涼先？我又無出街，又無乜點出汗．．最多都係訓o係你地d鞋度姐．．」

「喂．．問題係我日日都有舐乾淨自己，點解唔俾我用殘留o係我身上源遠流長既本能去清潔自己先？點解要以你地人類既準則去界定我乾唔乾淨先？」

「古埃及既哲學家(貓) 曾經講過：『我舐故我在。』同埋『舐身先於本質。』你地知唔知一隻貓要憑自己舐乾淨身體先搵到存在既自覺同埋尊嚴架？」

「唔發火真係當我『病狗』？好～我跳～」

「呀．．其實我地又何必太在意過往既習慣呢？其實我真係好鍾意沖涼架，俗語都有話啦『一年之計在於沖』丫嘛～」

p.s. 大家唔好誤會, 最後o個幅係咁岩幫佢抹身既時候映到
全家人都錫到佢火農

【閒時活動】

「我細ｂ咁醒，閒時都會用３ｇ上網睇股市架」

「你映邊呀靚仔？」

「今日我細ｂ就要做一個伏兵，我要同地型完全結合」

「嘿嘿．．．一定無人會發現我呢個天衣無縫既偽裝術」

「咦？～～ｏ個邊ｏ個個咩黎架？係咪鏡頭呀？食唔食得架？」

其後可憐既細ｂ俾我用一塊仔拿破崙蛋糕引左佢出黎